To fjos med eigne skifter

Kyrne er delt i to fjos, og kvar flokk går på eigne skifte. Alle skifta er teikna inn på eit skiftekart og har fast nummerering, 28 skifter i alt. Den lengste avstanden frå fjoset er 1,5 km. Ein person har hovudansvaret for å følgja med på vekst og tilstand på beita og dette vert følgt tett oppt kvar veke gjennom heile beitesesongen.

For kvar veke vert det sett opp eit vekeskjema som viser kva skiftenummer kvar flokk skal gå på dei neste dagane. Det hjelper også medarbeidarane som kjem til kveldsmjølking slik at dei kan vita kva flokk som høyrer til i kva fjos.

Beiteopptak på 6,4 kg ts

I 2023 var beiteopptaket per ku og dag berekna til 6,4 kg ts ( tørrstoff) i snitt gjennom heile beitesesongen. Avlinga pr. dekar var 831 kg ts. Dette var det høgaste fôropptaket og avlinga sidan dei starta med dette opplegget i 2021.

Dei har gode erfaringar med å starta beitesesongen på areal lengst vekk frå fjoset først. Då er kyrne mest motiverte for både å gå og å beita. I tillegg slepp dei å gå så langt midt på sommaren når det vanlegvis er på det varmaste. Når temperaturen vert over 25 grader står kyrne inne om dagen og beitar om natta.

Beiteslepp tidleg nok

Det er viktig at beitesleppet vert tidleg nok. På Clausen Agro er det rundt 20.april. Dei slepper heller nokre dagar for tidleg enn for seint. Då unngår dei at graset på dei neste skifta vert for lange. Det gjer også at kyrne får avgrensa opptak på beite dei første dagane og får med det ei meir forsiktig tilvenning. Kyrne beitar 2-3 timar til dagen i starten.

Alt arealet kan vatnast og dei har rikeleg areal å beita slik at graset vert sluppe opp til slått på alle skifta i løpet av sesongen. Gjenlegg på beita nærast fjoset vert sådd med vårsådd haustrug og raigras.

Pluss på DKK 1 000 pr. årsku

Lund viste også utrekningar for eit eksempelbruk med 500 kyr og 5000 dekar som ga forventa endring i resultat på meir enn DKK 1 000 (ca. NOK 1 550) pr. årsku ved å gå frå inga beiting til eit beiteopptak på 5 kg ts/dag.

Han presenterte ulike beiteopplegg og var tydeleg på at det er flest fordelar med skiftebeite med mange små skifter;

Gjeld å planleggja godt

Hans Lunds rådet for å lukkast med beitinga er først og fremst å planleggja godt. Ein bør som, nemnt over, ha skiftebeiting eller stripebeiting der kyrne får nytt beite kvar dag. Beitestorleik må tilpassast til grasbehovet, og kyrne må få tilpassa for inne. Det må takast ein slått på alle beita i løpet av sesongen.